JAMAA AMWUA KAKA YAKE, POLISI IRINGA WANAMSAKA KWA UDI NA UVUMBA APATIKANE...

IRINGA 22/10/2011
Jeshi la polisi mkoani iringa linamtafuta Sajili Lisulile mkazi wa kijiji cha Lyamkena wilayani njombe kwa tuhuma za kumkata mapanga sehemu mbalimbali za mwili wake na kumsababishia kifo ndugu yake kelvin lisulile mwenye umri wa miaka 29 ambae pia ni mkazi wa kijiji hicho.

Kamanda wa jeshi la polisi mkoa wa iringa , kamishna msaidizi wa polisi evarist mangalla amethibitisha kutokea kwa tukio hilo na amesema kuwa tukio hilo limetokea oktoba kumi na nane majira ya saa tatu usiku katika kijij hicho.

Kamanda mangalla amesema chanzo cha mauaji hayo ni wivu wa kimapenzi ambapo inadaiwa kuwa marehemu kelvin alikuwa na uhusiano wa kimapenzi na mke wa ndugu yake, salili lisulile.

Kamanda huyo wa jeshi la polisi mkoa wa iringa amesema mara baada ya kufanya mauaji hayo mtuhumiwa ametoroka na kukimbilia kusikojulikana huku jeshi la polisi mkoani hapa linaendelea kumtafuta mtuhumiwa.