MJANE WA GADAFI AOMBA MWILI WA BWANA WAKE AKAUZIKE...

SIRTE 22/10/2011

Familia ya Muammar Gaddafi imelitaka Baraza la Mpito liukabidhi mwili wa Muamar Gadafi kwa watu wa kabila lake katika mji wa Sirte ili aweze kuzikwa kwa kuzifuata kanuni za dini ya Kiislamu.

Mjane wa Gaddafi bibi Safia Gaddafi ambae sasa anaishi nchini Algeria ameeleza hayo katika televisheni ya Syria.

Kwa mujibu wa taarifa ya Shirika la habari la AFP, Baraza la Mpito la Libya linapanga kumzika Gaddafi katika sehemu ya siri ili kuepusha kaburi lake kuwa mahala pa kumsujudia.

Marekani imeutaka Umoja wa Mataifa ,kutoa maelezo sahihi juu ya kifo cha Gaddafi.