TAARIFA KUTOKA JESHI LA POLISI MBEYA JAN 17

WILAYA YA MBEYA MJINI – KUINGIA NCHINI BILA YA KIBALI

MNAMO TAREHE 16.01.2013 MAJIRA YA SAA 09:00HRS HUKO MAENEO YA SIMIKE JIJI NA MKOA WA MBEYA.  ASKARI POLISI WAKIWA DORIA WALIMKAMATA ELIJABU S/O ABDALLA, MIAKA 26 NA ALAMU S/O LINTISO, MIAKA 30 WOTE RAIA WA ETHIOPIA WAKIWA WAMEINGIA NCHINI BILA YA KIBALI . MBINU ILIYOTUMIKA NI KUWAKAMATA WAKIWA WAMETELEKEZWA BARABARANI. TARATIBU ZA KUWAKABIDHI IDARA YA UHAMIAJI ZINAFANYIKA. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI ANATOA WITO KWA JAMII KUENDELEA KUTOA TAARIFA JUU YA MTU/WATU WASIOWAFAHAMU NA WANAOWATILIA MASHAKA KATIKA MAENEO YAO WAZITOE KWA MAMLAKA HUSIKA ILI WAFUATILIWE NA KUJUA SABABU NA DHUMUNI LA UWEPO WAO KWANI WENGINE HAWANA NIA NJEMA KWA AMANI YA NCHI YETU.

WILAYA YA MBARALI - AJALI YA GARI KUMGONGA MTEMBEA KWA MIGUU NA KUSABABISHA KIFO

MNAMO TAREHE 17/01/2013 MAJIRA YA SAA 2:00HRS HUKO KIJIJI CHA MBUYUNI CHIMALA WILAYA YA MBARALI MKOA WA MBEYA. GARI LISILOFAHAMIKA NAMBA WALA DEREVA LILIMGONGA MTEMBEA KWA MIGUU AITWAYE SHABANI S/O GHASIA, 18YRS, MSANGU, MKULIMA NA MKAZI WA MBUYUNI NA KUMSABABISHIA KIFO CHAKE PAPO HAPO  . DEREVA ALIKIMBIA PAMOJA NA GARI MARA BAADA YA AJALI HIYO. CHANZO CHA AJALI KINACHUNGUZWA. JUHUDI ZA KUMTAFUATA DEREVA PAMOJA NA GARI HILO ZINAENDELEA. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI ANATOA  WITO KWA MADEREVA KUWA MAKINI KWA KUZINGATIA SHERIA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA RAI KWA MTU/.WATU WENYE TAARIFA ZA ALIKO DEREVA/GARI HILO AZITOE KWA MAMLAKA HUSIKA ILI AKAMATWE NA SHERIA ICHUKUE MKONDO WAKE.

Signed By,

 [DIWANI ATHUMANI – ACP]

KAMANDA WA POLISI MKOA WA MBEYA.