MWANAFUNZI wa Chuo Kikuu cha Mtakatifu Yohana Ameuwawa na Kunyofolewa Nyama Kwenye Paja

Na Danson Kaijage,

Dodoma Jan 21 2013

MWANAFUNZI wa chuo kikuu cha  mtakatifu Yohana Lyidia Mzima (57) Mlugulu, ameuwawa na kunyofolewa nyama kwenye paja la mguu wa kulia, karibu na eneo la chuo, na watu wasiojulikana wakati akitokea kujisomea nyakati za usiku ambapo inasadikiwa pia kuwa alibakwa.

                                 

Akizungumza na waandishi wa habari kamanda wa polisi wa mkoa wa Dodoma kamishina msaidizi, David Misime lisema kuwa tukio hilo lilitokea jana usiku na kwamba mwanafunzi huyo alikuwa akisoma fani ya uuguzi mwaka wa tatu chuoni hapo..

Alifafanua kuwa mwili wa marehemu umegunduliwa asubuhi  na wananchi ambao walijuliijulisha polisi kuhusiana na tukio hilo ambao nao walifatilia na kubaini kuwa tukio hilo ni la kweli.

Misime alisema mwili huo ulikutwa ukiwa na jereha kichwani linaonyesha kusababishwa na kitu chenye ncha kali, pia amekutwa na jeraha la kunyofolewa nyama kwenye paja la mguu wa kulia.

“Marehemu pia amekutwa amenyofolewa nyama kwenye mguu wake wa kulia sasa bado haijafahamika kama amefolewa na fisi ama gani, mana mpaka sasa mnyama huyo hajafahamika”,alisema misime.

Alisema mwanafunzi huyo alikuwa amepanga nyumba mtaa wa kibaoni-Image B kata ya kikuyu kusini ambapo inadaiwa kuwa aliwaaga wenzake aliokuwa akisoma nao majira ya saa nne usiku tarehe 20 januari mwaka huu  kuwa anarudi alikokuwa akiishi.

“Rafiki yake waliyekuwa  wanasoma pamoja ambaye alikuwa  kwenye msiba anaeleza kuwa marehemu Lyidia alimpigia simu usiku huo wa jana akimuuliza kama amesharudi nyumbani akamweleza bado, ambapo rafiki yake huyo anadai kuwa mara nyingi huwa analala kwake”,alifafanua Kamanda huyo.

Kufuatia tukio hilo la kusikitisha na kustusha kamanda misime alisema msako mkali wa kuwatafuta wauaji ama muuaji unaendelea ili kuweza kuwabaini mara moja na kuchukuliwa hatua stahiki.

“T ukio hili hatutalifumbia macho tunafanya msako mkali mara moja na kuhakikisha wahusika wanabainika na kuchukuliwa hatua ili iwe fundisho kwa wengine , natoa rai kwa watu wanaojihusisha na vitendo hivi vya uharifu na mauaji kuacha mara moja kwa jeshi la polisi halijalala kama wanavyofikili lipo kazini wakati wote.

Aidha laisema wanaendelea kuimarisha doria na vikundi vya ulinzi shirikishi ambavyo vitaendeshwa na wananchi wakiwemo wanachuo katika maeneo yao ili kulisaidia jeshi la polisi katika kuthibiti matukio ya aina hiyo.

Kamishna Misime alisema mwili wa marehemu umehifadhiwa katika chumba cha kuhifadhia maiti hospitali ya rufaa iliyopo mkoani hapa ukisubiri uchunguzi wa madaktari.

Pia misime alisema wanakabiliwa na changamoto kubwa ya uchache wa askari polisi mkoani hapa licha ya kuwepo kwa juhudi kubwa za kufanya doria za mara kwa mara katika maeneo yote ya mkoa huu, hali ambayo imetokana na kupanuka kwa kasi kwa mji huu.

Wakati huohuo Tanzania daima imefanikiwa kufika eneo la tukio na kushuhudia mwili wa marehemu Lyidia ukiwa katika eneo hilo la njia panda ya chuo hicho ukionyeshwa marehemu akiwa ametolewa macho, dalili za kubakwa, majeraha mablimbali katika eneo la kichwani na kwenye paja ambayo yote haya yanasubiriwa kudhibitishwa na madaktari kama yametokana na nini.

Mmoja wa wanafunzi aliyejulikana kwa jina la Baraka Gongo ambaye anasoma fani ya ualimu mwaka wa tatu katika chuo hicho aliiambia Tanzania daima kuwa tukio hilo ni kusikitisha sana na linaashilia upotevu wa amani kwa wanafunzi chuoni hapo.

“Tunaliomba jeshi la polisi kutuimarishia ulinzi maana hapa tunasoma bila amani kwani hili sio tukio la kwanza kutoa na kamanda aliyepita Zelothe aliahidi tutajengewa kituo cha polisi ili ulinzi uwepo wakati wote lakini mpaka sasa hawajafanya hivyo”,alisema Gongo.

Matukio ya kubakwa, kulawitiwa, kuuwawa na kuibiwa kwa wanafunzi wa chuo yameendelea kushamiri hapa nchini ikiwemo mkoani Dodoma hali ambayo inahatarisha amani ya wanafunzi.

Mwisho