BUNGE KUANZA MKUTANO WA KUMI KESHO HUKO DODOMA; HOJA YA GESI MTWARA KUTAWALA

 

MKUTANO wa kumi wa Bunge la kumi unatarajiwa kuanza jumanne hii January 28 2013 mjini Dodoma huku sakata la gesi ya Mtwara,vitendo vya ujangili na mauaji holela ya raia zikiwemo vurugu katika vyuo Vikuu yakiwa miongoni mwa mambo ambayo yanatarajiwa kupewa kipaumbele katika mijadala.

Katika kikao cha kwanza cha mkutano wa kumi hakuna shughuli nzito inayotarajiwa kufanyika zaidi ya kipindi cha maswali na majibu na baada ya hapo kamati ya uongozi itakaa kupanga ratiba kamili ya Bunge.

Licha ya hatma ya sakata la gesi ambayo inasubiriwa kwa shauku na mamilioni ya watanzania pia suala la ujangili nalo linadaiwa kugeuka mwiba mchungu kutokana na kuwanufaisha wachache kwa njia za panya.

Hivi karibuni kumeripotiwa mauaji ya raia katika maeneo mbalimbali nchini sanjari na vurugu katika vyuo vikuu ambazo nazo zimeacha sintofahamu miongoni mwa wanafunzi huku wengine wakilazimika kukatisha masomo kwa hofu ya kuhatarisha usalama wa maisha yao.

Mkutano wa kumi unatarajiwa kuahirishwa februari 8 mwaka huu endapo ratiba haitabadilika.

STAR TV