WANANCHI WAENDELEA KUNYANYASWA KATIKA MGODI WA MADINI GEITA GGM

Na Danson Kaijage, Geita

Mmoja wa wakazi wa eneo akiwa pembeni ya hema kuukuu.Picha,Danson Kaijage

KAYA zaidi ya 86 zilizofukuzwa katika maeneo yao kwa ajili ya kupisha Mgodi wa Madini wa Geita (GGM) zimeilalamikia serikali kwa kuzitelekeza kaya hizo na kusababisha watoto kushindwa kwenda shule kupata elimu kama watoto wengine.

Wakitoa malalamiko yao kwa nyakati tofauti wakazi hao wamedai kuwa tangu mwaka 2007 hadi sasa wanaishi kama wakimbizi katika nchi yao kutokana na kufukuzwa kwa nguvu ili kupisha wawekezaji wa mgodi huo.

Wamesema kutokana na kufukuzwa hivi sasa wanaishi maisha ya taabu kutokana na kutokuwa na shughuli yoyote ya kuwaingizia kipato kama walivyokuwa wamezoea

Baadhi ya wakazi ambao walifukuzwa katika maeneo yao kwa ajili ya kupisha uchimbaji wa madini wa GGM, mkoani Geita wakiwa nje ya Mahema yao ambayo walitelekezewa kwa madai kuwa watalipwa fidia baada ya kuondoka katika maeneo yao, pia watanzania hao ambao wanaishi kama wakimbizi katika nchi yao kwa ajili ya serikali kuwanyenyekea wawekezaji wananchi hao wanadai kuwa mpaka sasa ni miaka zaidi ya mtano serikali imewatelekeza na watoto wameshindwa kwenda shule licha ya kutelekezwa kwa sasa mahema yao yanavija na kuwasababishi usumbufu mkubwa wakati wa masikama na kuna uwezekamo wa kuwa ma milipuko ya magonjwa.

Picha na Danson Kaijage  

Wakizungumza kwa uchugu wananchi hao wamesema wanasikitishwa na serikali ya CCM ambayo kwa sasa inatengeneza matabaka makubwa kati ya watu wenye uwezo na wasiokuwa na uwezo na mbaya zaidi ni ambapo wanawatukuza wawekezaji na kuwadidimiza wazawa hata kwa kuwapora mali zao.

Aidha wamedai kuwa kutokana na wananchi hao kuondolewa katika maeneo yao na kutelekezwa katika mahema mabovu kumesababisha shughuli za kiuchumi kuzorota na wanafunzi ambao walikuwa wakisoma kushindwa kwenda shule.

Pia walimueleza mbunge wa Bukombe Prof. Kulikoyela Kahigi(Chadema) kuwa pamoja na mambo mengine lakini kuishi kwao kwa mahema ambayo ni mabovu kumesababisha baadhi yao kupatwa na maradhi mbalimbali ikiwa ni pamoja na kupooza viungo vyao na kukosa nguvu.

Wakitoa malalamiko yao kwa mbunge huyo ambaye alifika katika maeneo ya viwanja vya magereza Mjini Geita kwa lengo la kujionea adha wanazozipata wakazi hao wamemweleza kuwa mpaka sasa serikali haitoi msaada wowote na kusababisha maisha yao kuwa magumu zaidi.

“Hapa tulipo unaweza kuona hakuna hata kitu chochote tuliuza mifugo yetu, mazao yetu pamoja na akiba ya chakula tuliyokuwa nayo iliharibika kotokana na kuhamishwa kwa nguvu na kusababisha uharibifu, hata hivyo na wanafunzi kwa sasa hawaendi shule kutokana na hali ya kiuchumi iliyopo….

Kwa upande wake Mkurugenzi wa halmashauri ya Wilaya ya Geita,Alli Kidwaka, alipoulizwa alisema kuwa tatizo hilo lipo lakini linafanyiwa kazi ili watu hao waweze kulipwa fidia zao za kupisha Mgodi huo.